Komentar |
Dili, Administradór munisípiu 12 inklui Rejiaun Administrativa Espesiál Oé-Cusse Ambeno, hala’o enkontru ho Sekretaria Estadu Juventude no Desportu (SEJD) no Konfederasaun Desportiva Timor-Leste (CDTL-sigla Portugés), hodi diskute kona-ba preparasaun munisípiu ida-idak nian ba eventu Festivál Nasionál Desportu (FND) ne’ebé sei hala’o setembru tinan ne’e iha Munisípiu Baucau.
Diretór Desportu SEJD, João Rodrigues, informa reuniaun ne’e hanesan hasoru malu ikus ba preparasaun eventu FND nian ne’ebé ko’alia liu kona-ba orsamentu hodi fasilita atleta sira nia viajen hosi munisípiu ida-idak ba Baucau.
“Orsamentu ba atividade ne’e loloos $300.000, maibé haree ba situasaun iha munisípiu, ami halo vizita dala hira ona ba iha ne’ebá no haree kondisaun iha ne’ebá labele duni, entaun ami mai relata ba Sekretaria Estadu Juventude no Desportu hodi aumenta tan osan ne’e ba $340.000”, dehan João ba jornalista sira iha Timor Plaza, segunda ne’e.
Nia dehan tan, razaun aumenta orsamentu atu bele responde ba nesesidade hirak ne’ebé ladauk sufisiente.
Tanba ne’e, CDTL, SEJD no Autoridade munisipál Baucau konvida administradór munisípiu sira hotu hodi tuur hamutuk no diskute kle’an, nune’e bele buka solusaun ne’ebé di’ak atu realiza eventu ne’e no bele la’o ho susesu to’o ramata.
Nia dehan tan, razaun aumenta orsamentu atu bele responde ba nesesidade hirak ne’ebé ladauk sufisiente.
Tanba ne’e, CDTL, SEJD no Autoridade munisipál Baucau konvida administradór munisípiu sira hotu hodi tuur hamutuk no diskute kle’an, nune’e bele buka solusaun ne’ebé di’ak atu realiza eventu ne’e no bele la’o ho susesu to’o ramata.
