Komentar |
Dili - Ministru Obra Públika (MOP), Salvador Eugénio Soares dos Reis Pires, informa Governu sei toma resposabilidade hodi hadi’a auto estrada ne’ebé kotu iha Suai ho kustu orsamentu milliaun $1 resin.
Governante ne’e dehan, ekipa MOP hala’o ona estudu jeotékniku, maibé la’ós kualidade obra no dezeñu mak ladi’ak maibé kotu tanba dezastre naturál.
“Auto estrada aat tanba dezastre naturál ne’e kompañia laiha ona retensaun atu had’ia maibé governu mak tenke halo retensaun,” dehan nia ba Tatoli, ohin, iha edifisiu Ministériu Finansa-Aitarak-Laran, Dili.
Governante ne’e dehan, ekipa MOP hala’o ona estudu jeotékniku, maibé la’ós kualidade obra no dezeñu mak ladi’ak maibé kotu tanba dezastre naturál.
“Auto estrada aat tanba dezastre naturál ne’e kompañia laiha ona retensaun atu had’ia maibé governu mak tenke halo retensaun,” dehan nia ba Tatoli, ohin, iha edifisiu Ministériu Finansa-Aitarak-Laran, Dili.
Tanba ne’e, governante ne’e hatutan, sira halo ona kustu dezeñu rekuperasaun ba auto estada milliaun $1 resin haruka ba Ajénsia Dezenvolvimentu Nasionál (ADN) hodi lori ba Konsellu Ministru atu aprova hodi haruka kontratór sira ba halo reabilitasaun.
Auto estrada Suai inauguradu iha loron 17/11/2018, ne’ebé inaugura hosi Ministru Obra Públika, Salvador Eúgenio Soares dos Reis Pires ho Ministru Estadu Prezidénsia Konsellu Ministru (MEPKM), Agio Pereira. Auto estrada ne’ebé liga hosi Fatukai ba Zumalai ho kilómetru 30.3 ne’e gasta orsamentu hamutuk milliaun $304.
