Komentar |
| Prezidente Repúblika, Francisco Guterres Lú Olo. Imajen: TATOLI |
Dili, Prezidente Repúblika, Francisco Guterres Lú Olo, sesta ne’e iha Palásiu Prezidente Nicolau Lobato, Bairru Pité, Dili, promulga ona Dekretu Lei hamutuk haat (4) hosi VIII Governu Konstitusionál.
Komunikadu imprensa ne’ebé Agência Tatoli asesu hosi Mídia Prezidénsia Repúblika, ohin, haktuir katak Dekretu Lei haat ne’e mak hanesan (1) Dekretu Lei kona ba Tranzisaun Titúlu Petrolíferu, regulamentu ba atividade petrolífera ne’ebé antes ne’e sítua iha área konjunta dezenvolvementu petroliferu, (2), Dekretu Lei kona-ba Tranzisaun Titúlu Petrolíferu, regulamentu ba atividade petrolífera iha kampu Bayu-Undan.
Nune’e mós, (3), Dekretu Lei kona-ba Tranzisaun Titúlu Petrolíferu, regulamentu ba atividade petrolífera iha kampu Búffalu, (4), Dekretu Lei kona-ba Segunda Alterasaun ba Dekretu Lei nú. 20/2008, 19 juñu, ne’ebé kria Autoridade Nasionál Petróleu no Minerál.
Prezidente Repúblika hateten nia promulga dekretu lei sira ne’e tanba konsidera dekretu lei hirak ne’e la viola konstituisaun RDTL.
