PNTL Baucau Rejista Kazu 222

Komandante PNTL Baucau, Hermenegildo Gonçalves da Cruz. Imajen/TATOLI

Baucau, Hosi   janeiru to’o jullu, tinan ne’e, Komandu Polisia Nasionál Timor-Leste (PNTL) Munisípiu Baucau rejista kazu hamutuk 222.

Kazu hirak ne’e kompostu hosi kazu violénsia doméstika totál 220 no omisídiu rua (2) ne’ebé foin lalais akontese grupu joven oho malu iha loron 17 maiu 2019 no iha loron 25 maiu 2019 iha Kaikua, Postu Administrativu Vemasse.

Baca Juga :Hong Kong: Bagaimana Aplikasi Daring Gerakkan Demo Besar 'Tanpa Pemimpin'

“Prosesu ba kazu ba violénsia doméstika hotu-hotu iha ona Ministériu Públiku no suspeitu ba kazu omisídiu iha ona prizaun preventiva,” informa Komandante PNTL Baucau, Hermenegildo Gonçalves da Cruz ba Ajénsia Tatoli iha Baucau, sábadu (03/07/2019).

Baca Juga :Hong Kong: Bagaimana Aplikasi Daring Gerakkan Demo Besar 'Tanpa Pemimpin'

Daudaun ne’e Komandu PNTL Baucau iha nia membru 200 resin no iha kometimentu garante seguransa iha Baucau la’o ho di’ak tanba iha kolaborasaun ho autoridade hotu iha Baucau laran.

Superintendente Hermenegildo Gonçalves da Cruz informa tan, situasaun seguransa atuál iha Munisípiu Baucau la’o hakmatek no iha trankulidade.

Baca Juga :Nasheed: Tak Bisa Bayar Utang, Maladewa Terancam Diambil Alih China

“Hahú loron 11  april to’o agostu iha selebrasaun lubuk ida hanesan, festa páskua, atividade relijiozu, jogu desportu U-16, no liga Futeból Amadora (LFA sigla-portugés) no selebrasaun komemorasaun Loron konsulta popular (Referendu) ba dala-20 (30 agostu 1999-30 agostu 2019) no loron Misaun INTERFET (International Force East Timor) ne’ebé hala’o iha Baucau,  iha parte seguransa la’o di’ak tebes,” hateten Hermenegildo Gonçalves.

Baca Juga :Mantul, Paspor Indonesia Kini Bebas Visa di 77 Negara

Nia klarifika tan katak, situasaun la’o di’ak tanba hala’o kolaborasaun di’ak ho autoridade munisipál, xefe suku, xefe aldeia, veteranu, juventude. Nune’e mós koopera ho FALINTIL-Forsa Defeza Timor-Leste (FDTL-sigla portugés) Unidade Komponente Terrestre, Unidade Polisia Militár iha Baucau hodi asegura seguransa.

Munisípiu Baucau iha ninia nivel  postu administrativu  neen (6) ho nia situasaun seguransa di’ak mós.   Postu administrativu hirak iha Baucau mak hanesan Baucau Vila, Baguia, Laga, Quelicai, Venilale, ho Vemasse.