Apelu ba Forsa-Polisia: Para Ona Baku-malu, Imi La'os Adversáriu

Dili - Konfrontu entre pesoal husi instituisaun Polisia Nasionál Timor Leste (PNTL) ho FALINTIL-Forsa Defeza Timor Leste (F-FDTL) hanesan sai ona buat ne’ebé “baibain” akontese. Asaun ne’ebé hanesan dezeña katak instituisaun rua ne’e nu’udar adversariu boot ida.

Baca Juga :China Klaim Etnis Uighur Dipaksa Memeluk Islam

Konfrontu no asaun baku-malu entre pesoal PNTL ho F-FDTL la’os foin mak akontese, maibé akontese fila-fila ona, hanesan kazu Lospalos, Baukau, Maliana, Ainaro no kazu seluk tan iha Dili, no kazu foun liu mak kazu pesoal husi Batallaun Orden Públiku (BOP) baku membru F-FDTL ne’ebé nu’udar mós eskoltu husi Ministru Defeza no Ministru Interior, Filomeno Paixão, iha semana kotuk.

Baca Juga :4 Personel Keamanan Tewas dalam Serangan Pemberontak di Selatan Thailand

Ba kazu ne’e, Vise Xefe Estadu F-FDTL Falur Rate Laek husu atu instituisaun defeza no seguransa ne’e atu kompleta malu, la'os sai fali adversáriu.

"Normalmente kuandu uma ida nia laran oan kuandu barak liu ne'e sempre baku-malu, apalagi insituisaun. Intituisaun sira ne’e ho motivu oioin hanesan pesoal, ekonomiku, respeitu ka buat sira ne'e iha mak baku-malu," dehan Falur hafoin hasoru-malu ho Prezidente Repúblika Francisco Guterres Lu Olo iha palasiu prezidente Nicolau Lobato, Bairo-pite, Kuarta (22/05/2019).

Baca Juga :Ilmuwan China: Tak Sulit Mendaratkan Manusia di Bulan

Maske nune’e, Falur husu atu labele jeneraliza kazu baku-malu entre pesoal nu’udar problema instituisaun nian.

Baca Juga :Dihantam Gelombang Panas Mulai Rabu Ini, Jerman Siaga Dua

“Ha'u hakarak instituisaun F-FDTL konsidera PNTL hanesan sira-nia liman sorin no husi  PNTL mós konsidera F-FDTL hanesan sira-nia liman sorin, labele konsidera malu hanesan adversáriu ka kontra malu,” nia hatete.