Prezidente RAEOA Afirma Ró Haksolok Sei Mai

OEKUSI, Prezidente Rejiaun Administrativa Espesiál Oekusi Ambenu (RAEOA), Mari Alkatiri, afirma ró Haksolok sei mai Timor no halo timoroan hotu haksolok.

Baca Juga :Administradór Munisípiu Sira Hala’o Enkontru Ho SEJD No CDTL

“Ró haksolok sei mai no ita hotu sei haksolok”, katak nia ba TATOLI, I.P iha Oekusi hafoin lansa Planu Estratéjiku Rejionál nian, ohin.

Baca Juga :KAK Aprezenta Programa Tinan Lima ba Xefe Estadu

Tuir nia problema ró haksolok la’ós ho Timor-Leste maibé empreza ne’ebé uluk ita halo adjudikasaun maka iha kestaun finanseira.

Baca Juga :Komandu F-FDTL ho PNTL Deklara Operasaun Hasoru Grupu Ilegál

Maibé foin lais ministru transporte no komunikasaun ba haree ona ró Haksolok, ró sei iha nafatin, prosesu ne’e maka agora hein empreza ne’e rezolve nia problema jestaun hafoin ró bele mai.

Baca Juga :Bainhira Alterasaun Estatutu RAEOA Promulgadu, Dezenvolvimentu La’o Ba Kotuk

Nia kritika mós Parlamentu Nasionál ne’ebé foin lais levanta kestaun ró Haksolok, nia argumenta atu labele preokupa demais asuntu ne’e, enkuantu ponte komponente navál nian paradu hela, relatóriu tribunál kontas nian ba instituisaun Estadu sira no seluk tan.

Entretantu, nia afirma: “Ha’u nia mandatu besik ramata ona hanesan Prezidente ZEEMS (Zona Espesiál ba Ekonomia Sosiál Merkadu) maibé hanesan fundadór, ha’u nia mandatu sei la hotu”.