Mídia Sei Halo Kobertura Másimu ba Eventu 30 Agostu

Sekretáriu Estadu Komunikasaun Sosiál (SEKOMS), Merício Juvenal dos Reis Akara, akompaña hosi Prezidente RTTL.EP, Francisco da Silva Gari, no Prezidente Konsellu Diretivu Ajénsia TATOLI, José da Costa, halo entevista ba jornalista sira iha Palásiu Governu. Imajen/Egas Cristovão

Dili, Sekretáriu Estadu Komunikasaun Sosiál (SEKOMS) sei organiza mídia nasionál atu halo kobertura másimu ba preparasaun to’o implementasaun festa aniversáriu tinan 20 konsulta popular  (30 Agostu 1999-30 Agostu 2019).

Baca Juga :Prezidente Autoridade RAEOA Lansa Planu Estratéjiku 2019-2023

“Ekipa mídia sira informa ona mai katak, preparadu no  pro-ativu sei halo kobertura,” hateten Sekretáriu Estadu, Mericio Akara,  iha ámbitu enkontru koordenasaun entre liña ministeriál ne’ebé hala’o iha edifísiu Ministériu Finansa, Dili, kinta (25/07/2019).

Baca Juga :Timor Leste Akan Jadi Negara Pertama Tanpa Sampah Plastik

Mericio Akara afirma tan, mídia públiku hanesan Rádiu Televizaun Timor-Leste, Empreza Públika (RTTL,ep), Ajénsia TATOLI, Rádiu Komunidade no sei reforsa hosi mídia privadu nasionál, hanesan mídia imprime ho eletrónika atu kontribui ba diseminasaun informasaun kona-ba lala’ok eventu ne’e to’o remata.

Baca Juga :Dezenvolvimentu Oe-Cusse Konsidera Moderna

Nia dehan tan, atu fasilita asesu no kobertura  ba jornalista ba eventu ne’e, Governu liuhosi SEKOMS, ohin, lansa Sentru ba Mídia iha Palásiu Governu, Dili.

Baca Juga :Sidadaun Hotu Tenke Hetan Sertidaun RDTL

Atu  involve partisipasaun povu nian  iha festa povu ne’e,  governu iha ona programa hanesan  kompetisaun te’in ai-han lokál, dansa kultura no seluk tan ne’ebé tuir oráriu sei inisia iha Munisípiu Lautem iha loron 31  jullu to’o loron 1 Agostu 2019 depois kontinua ba munisípiu sira seluk.