Komentar |
| Aeroportu Internasionál Oe-Cusse "Rota do Sândalo" |
OE-CUSSE – Durante tinan lima nia laran, husi 2015 to’o 2019, reseita ne’ebé rekolla husi Rejiaun Administrativu Espesiál Oe-Cusse Ambeno ho Zona Ekonomia Espesiál Sosiál Merkadu (ZEESM) hamutuk millaun $31.
“Reseita ne’ebé ami rekolla hamutuk millaun $31 ona, husi 2015 to’o agora. Reseita ne’e iha oin rua mak reseita própriu no reseita governamentál,” informa Sekretária Rejionál Finansa, Leonia Monteiro ba jornalista sira, iha Oe-Cusse, segunda (08/07/2019).
Nia esplika, reseita governamentál, hanesan reseita ne’ebé mai husi aviaun ZEESM, sosa billete, ida ne’e hela ba governu, enkuantu reseita própria hanesan multa, rejistu viatura tenke hela ba rejiaun.
Nia dehan, sistema rekolla reseita, RAEOA-ZEESM halo kontabilidade beibeik, tenke halo konsiliasaun bankária loroloron. “Ohin selu impostu, ami hatene kedan. Ami halo relatóriu kada fulan tolu, iha tinan ida, depois sira hatama ba sistema GRP (Government Resource Planning) atu públiku bele asesu,” informa Leonia Monteiro.
“Reseita ne’ebé ami rekolla hamutuk millaun $31 ona, husi 2015 to’o agora. Reseita ne’e iha oin rua mak reseita própriu no reseita governamentál,” informa Sekretária Rejionál Finansa, Leonia Monteiro ba jornalista sira, iha Oe-Cusse, segunda (08/07/2019).
Nia esplika, reseita governamentál, hanesan reseita ne’ebé mai husi aviaun ZEESM, sosa billete, ida ne’e hela ba governu, enkuantu reseita própria hanesan multa, rejistu viatura tenke hela ba rejiaun.
Nia dehan, sistema rekolla reseita, RAEOA-ZEESM halo kontabilidade beibeik, tenke halo konsiliasaun bankária loroloron. “Ohin selu impostu, ami hatene kedan. Ami halo relatóriu kada fulan tolu, iha tinan ida, depois sira hatama ba sistema GRP (Government Resource Planning) atu públiku bele asesu,” informa Leonia Monteiro.
Hahú husi 2015 to’o agora, Leonia Monteiro esplika, sistema finanseiru RAEOA-ZEESM halo jestaun manuál, hanesan uza excel ne’ebé aplika ba template hafoin halo kontabilidade di’ak, maibé iha mós kontrolu makas tanba liga diretamente ho banku, katak ezekusaun loron ohin hira no osan hela hira.
Hanesan mós ho orsamentu RAEOA-ZEESM, tenik Leonia Monteiro, durante ne’e halo relatóriu trimestrál ba governu sentrál, halo relatóriu mós ba tribunál kontas inklui Parlamentu Nasionál.
Jestaun durante ne’e, tuir Leonia Monteiro, jestaun la’o di’ak maske uza manuál maibé análize didi’ak. Jestaun finanseiru, kuandu simu mai ona hatama kedan ba sistema ne’ebé kria ona hanesan kontabilidade ida.
