Soe Bebé, Rede Feto Konsidera Falta Morál

Prezidente Rede Feto, Judite Dias Ximenes. Imajen/Osoria A.Marques

Dili, Kazu soe bebé ne’ebé kontinua akontese iha Timor-Leste tanba falta morál.

Baca Juga :Letefoho Kopi Terbaik di Dunia dari Lorosae Setelah Brazil

Organizasaun Rede Feto Timor-Leste kondena maka’as aktu imorál kona-ba soe bebé to’o sunu bebé ne’ebé akontese loron hirak liu ba iha Semitériu Santa Krús.

Organizasaun ne’ebé luta ba feto nia direitu polítika, sosiál, ekonomia no kultura ne’e, husu ba autoridade seguransa atu halo investigasaun profunda hodi kaptura autór sira hotu ne’ebé envolve direita no indireta iha kazu soe bebé.

Baca Juga :Letefoho Kopi Terbaik di Dunia dari Lorosae Setelah Brazil

”Akontesimentu sunu bebé ne’e  hatudu katak krize moral no krize lideransa tanba ho kazu sira hanesan ne’e hamonu ita nia moral,” afirma Prezidente  Rede Feto Timor–Leste,   Judite Dias Ximenes, kuarta (24/07/2019), iha Ministériu Interior Villa Verde, Dili.

Baca Juga :Governu Prevee Milliaun $1 Resin Reabilita Auto Estada Suai

Judite konsidera kazu soe bebé ne’e krime,  tanba  ne’e autoridade seguransa presiza halo investigasaun kle’an hodi kaptura autór   no submete ba lei ne’ebé vigora.

Baca Juga :Governu Prevee Milliaun $1 Resin Reabilita Auto Estada Suai

Atu prevene kazu ne’e, organizasaun ba feto ne’e,  sujere ba governu,  parseiru dezenvolvimentu, sosiedade sivíl no ema hotu atu fó edukasaun sívika barak liután ba sidadaun.

Rede Feto  iha de’it papél hodi fó asisténsia no sensibilizasaun ba feto sira, maibé  tuir Judite Dias Ximenes, Rede Feto laiha dadus konkreta kona-ba kazu inan bebé iha territóriu Timor-Leste.