Komentar |
| Ilustrasi |
VENILALE, Abitante 556 ho totál umakain 226 iha aldeia Osoilale, Suku Fatulia, Postu Administrativu Venilale, Munisípiu Baukau seidauk asesu eletrisidade.
“Ha’u-nia komunidade 556 ho umakain 226 mak seidauk asesu eletrisidade”, Xefe Suku Fatulia iha postu administrativu Venilale, munisípiu Baukau, ohin.
Tanba ne’e, autoridade lokál ne’e husu ba Governu liuhosi Ministériu Obra Públika (MOP) atubele hala’o instalasaun hodi abitante sira bele asesu eletrisidade.
“Ami Postu Adminisitrativu Venilale ne’e iha aldeia 35, maibé hotu-hotu asesu ona eletrisidade, falta aldeia ida deit mak seidauk”, katak.
Nia afirma, eletrisidade laiha ne’e fó impaktu maka’as ba estudante sira no rezidente tomak iha área ne’e.
Hatán ba kestaun ne’e, Ministru Obra Públika (MOP), Salvador Eugénio Soares dos Reis Pires, dehan MOP perioritiza ona ba suku ka aldeia ne’ebé maka besik liu sistema infrastutura ezistente ka liña instalasaun iha tiha ona atu fásil liga enerjia hodi komunidade bele asesu eletrisidade.
“Ha’u-nia komunidade 556 ho umakain 226 mak seidauk asesu eletrisidade”, Xefe Suku Fatulia iha postu administrativu Venilale, munisípiu Baukau, ohin.
Tanba ne’e, autoridade lokál ne’e husu ba Governu liuhosi Ministériu Obra Públika (MOP) atubele hala’o instalasaun hodi abitante sira bele asesu eletrisidade.
“Ami Postu Adminisitrativu Venilale ne’e iha aldeia 35, maibé hotu-hotu asesu ona eletrisidade, falta aldeia ida deit mak seidauk”, katak.
Nia afirma, eletrisidade laiha ne’e fó impaktu maka’as ba estudante sira no rezidente tomak iha área ne’e.
Hatán ba kestaun ne’e, Ministru Obra Públika (MOP), Salvador Eugénio Soares dos Reis Pires, dehan MOP perioritiza ona ba suku ka aldeia ne’ebé maka besik liu sistema infrastutura ezistente ka liña instalasaun iha tiha ona atu fásil liga enerjia hodi komunidade bele asesu eletrisidade.
“Ita perioritiza fazeadamente atu kompleta suku 67 ne’ebé seidauk asesu ba enerjia eletrisidade inklui mós iha suku ka aldeia balun iha postu administrativu Venilale ne’e”, dehan.
Daudaun ne’e nia dehan, iha territóriu Timor-Leste tomak asesu ona liña eletrisidade porsentu 83 no falta kobertura mak ba porsentu 17 ho totál suku 67.
Iha tinan ne’e, governante ne’e akresenta MOP hahú hala’o levantamentu dadus no dezeñu ba projetu pakote suku 33 hodi bele implementa iha tinan 2020 no pakote 32 sei hala’o iha 2021 no pakote 9 sei implementa iha 2022.
Iha programa eletrifikasaun rurál iha tinan 2019, prevee millaun $1 hodi hala’o indetifikasaun ba área sira izoladu jeografikamente ne’ebé labele halo ligasaun fíziku entaun bele instala solár panél.
