CNRT ho Aliadu Sira Kontinua Asegura Mandatu VIII Governu

Deputadu Bankada CNRT, Adérito Hugo da Costa. Imajen Tatoli/ Egas Cristóvão

Dili, Partidu Kongresu Nasionál Rekonstrusaun Timor (CNRT-sigla portugés) hamutuk ho Partidu Libertasaun Populár (PLP) no União Democrática Timorense/Frenti-Mudança (UDT/FM) kontinuaasegura estabilidade polítika VIII Governu Konstitusionál.

Baca Juga :MKOTT: Kazu Bernard Collaery Ho Witness K Parte Integrante Husi Luta Fronteira Marítima

Deputadu CNRT, Adérito Hugo da Costa, hateten CNRT kompete iha eleisaun hamutuk ho nia aliadu sira metin dezde koligasaun pre-eleitorál iha ELeisaun Antesipada 2018 hodi forma VIII Governu.

“Polítika sira iha atuál Governu relfleta partidu ne’ebé viabiliza VIII Governu mak CNRT, PLP ho KHUNTO no aliadu estratéjiku sira seluk hanesan UDT/FM,”  dehan nia iha resintu Parlamentu Nasionál, kinta ne’e.

Baca Juga :Autoridade Atauro Apresia Akordu Entre PNTL Ho MS

Tan ne’e, nia afirma, kualkél korrespondénsia hanesan Proposta Lei no Proposta Rezolusaun mai hosi Governu hetan kedas kanál halo andamentu.

Baca Juga :CNRT ho Aliadu Sira Kontinua Asegura Mandatu VIII Governu

“Kuandu Governu ida hetan viabilizasaun hosi Parlamentu, ninia inisiativa sira sei pasa, kontráriu ho forma Governu sein maioria iha Parlamentu,” nia esplika.

Baca Juga :Promete Reativa ASTI, MESSK: “Ha’u Lakohi Estudante Sai vítima”

Nia haktuir, bainhira forma Governu ida la hetan maioria kona-ba programa iha Parlamentu Nasionál, entaun susar asegura governasaun ida. “Ne’e mak regra konstitusionál,” katak Adérito Hugo.

Nia salienta, maski VIII Governu nia estrutura la kompletu, maibé estabilidade polítika iha Parlamentu Nasionál metin hela.