Komentar |
| Ministru Obra Públika, Salvador Soares dos Reis Pires. Imajen/TATOLI. |
Dili, Ministru Obra Publika (MOP), Salvador Eugénio Soares dos Reis Pires, informa seidauk asesu informasaun hosi ekipa avaliadór Gabinete Primeiru-Ministru (GPM) kona-ba projetu 143.
“Ha’u seidauk hetan informasaun ruma hosi ekipa avaliadór sira ba projetu 143, maibé tempu badak sei iha rezultadu”, Salvador dos Reis Soares Pires dehan, ohin, iha Palásiu Governu.
Ministru Obra Publika ne’e esplika, maski MOP mak na’in ba projetu sira, maibé kuandu projetu ida ho kontratu millaun $1 ba leten Primeiru-Ministru mak bele asina.
“Projetu 143 ne’ebé maka sai polémika maski ami maka na’in ba projetu, ami-nia atribuisaun tuir lei aprovizionamentu ba ministériu nian, liña ministériu nian millaun 1-resin nia kontratu sempre Primeiru-Ministru maka asina. Kuandu ministru asina entaun hetan delegasaun kompeténsia iha Primeiru-Ministru rasik”, katak.
Hafoin rezultadu hosi Komisaun Inkéritu Parlamentár foin lalais estabelese ne’e, fó ba Governu no Primeiru-Ministru deside ona estabelese ekipa ne’ebé diretamente lideradu hosi GPM nian atu halo avaliasaun no rezolusaun ruma ba projetu sira ne’ebé laiha kontratu.
Ministru ne’e argumenta katak iha projetu 90-resin maka iha ona kontratu no 40-resin maka seidauk iha kontratu. “Ne’ebé ami sei hein hela ekipa avaliadór ne’ebé lideradu hosi Primeiru-Ministru no rezultadu sei fó sai iha tempu badak”, katak.
Antes ne’e, entrevista ida ho Diretór Jerál Ministériu Obra Públiku, Rui Hernani, hatete kona-ba projetu 143 ne’ebé iha ona dokumentu kontratasaun ou obra la’o, inklui iha progresu, Governu tenke selu.
“Mas, projetu 143 ne’e mós tuir loloos osan iha hotu ona no disponivel atu selu, maibé Oitavu Governu hakarak hala’o prosesu ida ne’ebé maka ema hotu-hotu tenke simu”, Diretór Rui Hernani afirma iha Faról, foin lalais ne’e.
Husi projetu 143 nia dehan, 98 mak iha ona kontratu no obra ne’e la’o hela ho progresu di’ak, nune’e hein halo pagamentu. Enkuantu, projetu 45 mak laiha kontratu, maibé iha dezembru tinan kotuk husi númeru ne’e aprova ona projetu 15 tanba hirak ne’e nia karater urjénsia ne’ebé mak aprezenta husi Ajénsia Dezenvolvimentu Nasionál (ADN), Komisaun Nasionál Aprovizionamentu (CNA, sigla portugés) no Konsellu Administrasaun Fundu Infraestrutura (KAFI).
Hernani dehan ba projetu sira ne’e, iha Oitavu Governu tau ona iha rubrika Orsamentu Jerál Estadu atu halo pagamentu.
“Ha’u seidauk hetan informasaun ruma hosi ekipa avaliadór sira ba projetu 143, maibé tempu badak sei iha rezultadu”, Salvador dos Reis Soares Pires dehan, ohin, iha Palásiu Governu.
Ministru Obra Publika ne’e esplika, maski MOP mak na’in ba projetu sira, maibé kuandu projetu ida ho kontratu millaun $1 ba leten Primeiru-Ministru mak bele asina.
“Projetu 143 ne’ebé maka sai polémika maski ami maka na’in ba projetu, ami-nia atribuisaun tuir lei aprovizionamentu ba ministériu nian, liña ministériu nian millaun 1-resin nia kontratu sempre Primeiru-Ministru maka asina. Kuandu ministru asina entaun hetan delegasaun kompeténsia iha Primeiru-Ministru rasik”, katak.
Hafoin rezultadu hosi Komisaun Inkéritu Parlamentár foin lalais estabelese ne’e, fó ba Governu no Primeiru-Ministru deside ona estabelese ekipa ne’ebé diretamente lideradu hosi GPM nian atu halo avaliasaun no rezolusaun ruma ba projetu sira ne’ebé laiha kontratu.
Ministru ne’e argumenta katak iha projetu 90-resin maka iha ona kontratu no 40-resin maka seidauk iha kontratu. “Ne’ebé ami sei hein hela ekipa avaliadór ne’ebé lideradu hosi Primeiru-Ministru no rezultadu sei fó sai iha tempu badak”, katak.
Antes ne’e, entrevista ida ho Diretór Jerál Ministériu Obra Públiku, Rui Hernani, hatete kona-ba projetu 143 ne’ebé iha ona dokumentu kontratasaun ou obra la’o, inklui iha progresu, Governu tenke selu.
“Mas, projetu 143 ne’e mós tuir loloos osan iha hotu ona no disponivel atu selu, maibé Oitavu Governu hakarak hala’o prosesu ida ne’ebé maka ema hotu-hotu tenke simu”, Diretór Rui Hernani afirma iha Faról, foin lalais ne’e.
Husi projetu 143 nia dehan, 98 mak iha ona kontratu no obra ne’e la’o hela ho progresu di’ak, nune’e hein halo pagamentu. Enkuantu, projetu 45 mak laiha kontratu, maibé iha dezembru tinan kotuk husi númeru ne’e aprova ona projetu 15 tanba hirak ne’e nia karater urjénsia ne’ebé mak aprezenta husi Ajénsia Dezenvolvimentu Nasionál (ADN), Komisaun Nasionál Aprovizionamentu (CNA, sigla portugés) no Konsellu Administrasaun Fundu Infraestrutura (KAFI).
Hernani dehan ba projetu sira ne’e, iha Oitavu Governu tau ona iha rubrika Orsamentu Jerál Estadu atu halo pagamentu.
