Komentar |
| Director Serve. Foto by RTTLep |
Dili, Rede internet ne’ebé hahú fasil atu asesu fó posibilidade boot ba ema la’os de’it atu hato’o no hetan informasaun maibé mós bele fa’an ninia produtu. Online shop sai nu’udar maneira ida ne’ebé ema balun hili hodi halo promosaun no fa’an sira-nia produtu.
Maibé bainhira hakarak halo atividade negosiu liu husi media online liu husi kriasaun online shop, tenke rejistu iha Servisu Rejistu no Verifikasaun Emprezarial (Serve).
Iha lei no dekretu lei balun ne’ebé fó dalan ba atividade negosiu online mak hanesan Lei Sosiedade Komersial nú.10/2017 no Dekretu Lei nú.34/2017.
Diretor Ezekutivu Serve Florêncio Sanches hatete, maske lei no dekretu lei hirak ne’e fó dalan, maibé atu halo atividade negosiu online tenke rejistu iha Serve.
“Signifika katak se ita-boot sira seidauk kumpri lei rejistu komersia ne’e labele halo lai negosiu online,” dehan Florêncio iha nia knar fatin, Matadoru, Dili, Tersa (13/08).
Nia dehan, iha Dekretu Lei nú.16/2017 hatete, ema ne’ebe mak halo aktividade negosiu ida mak la rejista sei kona multa $500 to’o $5000.
“Maibé se sira mai rejista iha Serve ne’e gratuita, la selu buat ida, depois mak ba halo atividade online,” dehan nia.
Iha biban ne’e, Diretór Serve ne’e husu ba Timor-oan sira ne’ebé hala’o atividade negosiu online atu hakat ba Serve hodi halo rejistu molok hala’o sira-nia atividade.
“Lei la hatete Serve ba dereitamente atu halo rejistu, maibé iha lei hatete katak ema ne’ebé mak halo negosiu online ne’e hakbesik an ba Serve hodi rejistu,” Diretór ne’e hatete.
Kona-ba meius atu kontrola, Florencio dehan, daudauk ne’e Serve esforsu hela atu halo akordu kooperasaun ho Autoridade Nasional Komunikasaun (ANC) hodi bele regula atividade negosiu online.
“Ami halo tiha ona enkontru informal ida, tanba Serve presiza (no) hakarak regula ema sira ne’ebé halo online iha teritoriu tomak.”
Kona-ba prosedimentu atu rejistu, Diretór ne’e esplika, se online shop ne’e la’os kompaña nian Serve sei fó formulariu hodi priense, kopia kartaun identidade ka sertidaun kazamentu ba sira ne’ebé kaben-nain, no mapa lokalizasaun.
“Dokumentu tolu ne’e mak Serve presiza,” dehan nia.
Atu bele fasilita atividade rejistu, nia dehan, Serve loke ona ninia sanak iha Baukau, Maliana no Rejiaun Administrativa Espesial Oekusse Ambeno.
Ba tinan ne’e, nia dehan, sei loke tan iha Vikeke, Lospalos, Ainaro, Same, Suai, no Aileu.
“Munisipiu seluk ne’e tinan oin, ne’e kompleta ona 100% iha teritoriu tomak,” dehan nia.
Maibé bainhira hakarak halo atividade negosiu liu husi media online liu husi kriasaun online shop, tenke rejistu iha Servisu Rejistu no Verifikasaun Emprezarial (Serve).
Iha lei no dekretu lei balun ne’ebé fó dalan ba atividade negosiu online mak hanesan Lei Sosiedade Komersial nú.10/2017 no Dekretu Lei nú.34/2017.
Diretor Ezekutivu Serve Florêncio Sanches hatete, maske lei no dekretu lei hirak ne’e fó dalan, maibé atu halo atividade negosiu online tenke rejistu iha Serve.
“Signifika katak se ita-boot sira seidauk kumpri lei rejistu komersia ne’e labele halo lai negosiu online,” dehan Florêncio iha nia knar fatin, Matadoru, Dili, Tersa (13/08).
Nia dehan, iha Dekretu Lei nú.16/2017 hatete, ema ne’ebe mak halo aktividade negosiu ida mak la rejista sei kona multa $500 to’o $5000.
“Maibé se sira mai rejista iha Serve ne’e gratuita, la selu buat ida, depois mak ba halo atividade online,” dehan nia.
Iha biban ne’e, Diretór Serve ne’e husu ba Timor-oan sira ne’ebé hala’o atividade negosiu online atu hakat ba Serve hodi halo rejistu molok hala’o sira-nia atividade.
“Lei la hatete Serve ba dereitamente atu halo rejistu, maibé iha lei hatete katak ema ne’ebé mak halo negosiu online ne’e hakbesik an ba Serve hodi rejistu,” Diretór ne’e hatete.
Kona-ba meius atu kontrola, Florencio dehan, daudauk ne’e Serve esforsu hela atu halo akordu kooperasaun ho Autoridade Nasional Komunikasaun (ANC) hodi bele regula atividade negosiu online.
“Ami halo tiha ona enkontru informal ida, tanba Serve presiza (no) hakarak regula ema sira ne’ebé halo online iha teritoriu tomak.”
Kona-ba prosedimentu atu rejistu, Diretór ne’e esplika, se online shop ne’e la’os kompaña nian Serve sei fó formulariu hodi priense, kopia kartaun identidade ka sertidaun kazamentu ba sira ne’ebé kaben-nain, no mapa lokalizasaun.
“Dokumentu tolu ne’e mak Serve presiza,” dehan nia.
Atu bele fasilita atividade rejistu, nia dehan, Serve loke ona ninia sanak iha Baukau, Maliana no Rejiaun Administrativa Espesial Oekusse Ambeno.
Ba tinan ne’e, nia dehan, sei loke tan iha Vikeke, Lospalos, Ainaro, Same, Suai, no Aileu.
“Munisipiu seluk ne’e tinan oin, ne’e kompleta ona 100% iha teritoriu tomak,” dehan nia.
