PR Seidauk Simu Relatóriu OJE 2018 Hosi Governu

Prezidente Repúblika (PR), Francisco Guterres Lú Olo. Imajen Mídia PR

Dili, Prezidente Repúblika (PR), Francisco Guterres Lú Olo, informa nia parte to’o oras ne’e seidauk simu relatóriu ezekusaun orsamentu jerál Estadu (OJE) 2018 hosi Governu.

“To’o agora ha’u seidauk simu relatóriu ezekusaun orsamentu jerál Estadu 2018 nian,” dehan Xefe Estadu ba jornalista sira, iha Salaun Katedrál,  Vila Verde, Dili, sábadu ne’e.

Baca Juga :Autoridade Atauro Apresia Akordu Entre PNTL Ho MS

Proposta OJE 2018 hamutuk billiaun $1,279, husi totál ne’e saláriu no vensimentu millaun $200,312, bens no servisu millaun $421,666, transferénsia públika millaun 261,925, kapitál menór millaun $3,659, kapitál dezenvolvimentu millaun $392,037.

Baca Juga :CNRT ho Aliadu Sira Kontinua Asegura Mandatu VIII Governu

PR promulga OJE 2018 iha loron 27 setembru 2018 ho montante billiaun $1,277,4.

Enkuantu iha loron 23 janeiru 2019, PR veta OJE 2019 ho montante billiaun $2,1, ho razaun sustentabilidade finanseiru iha ameasa nia laran no orsamentu la tuir Konstituisaun no Lei estruturante sira, dezikilibru orsamentál ne’ebé aas tebes no laiha polítika alternativa.

Baca Juga :Promete Reativa ASTI, MESSK: “Ha’u Lakohi Estudante Sai vítima”

Parlamentu Nasionál (PN) halo reapresiasaun ba orsamentu 2019 hafoin vetu husi Xefe Estadu.

Baca Juga :Brigada Choque Hanesan Forsa Espesiál iha Prosesu Funu

Hafoin reapresiasaun OJE 2019, PN hasai montante millaun $650 hosi sosa partisipasaun kompañia ConocoPhillips no Shell, tanba kontempla ona iha Lei Atividade Petrolíferu ne’ebé PR promulga.

Nune’e, iha reapresiasaun ne’e, PN aprova OJE 2019 ho montante billiaun $1,482.