Komentar |
| Ministru Ensiñu Superiór, Siénsia no Kultura, Longuinhos dos Santos. Imajen Tatoli/Egas Cristóvão |
AILEU, Ensinu Superiór Privadu, Aileu Science Technology (ASTI), ne’ebé antes ne’e taka ona husi Ministériu Edukasaun iha VI Governu Konstitusionál, promete ba governu liuliu Ministériu Ensinu Superiór Siénsia no Kultura (MESSK) katak sei reativa fali nia atividade aprendizajen iha 2020 ho departamentu rua hanesan Departamentu Enjeñaria Informátika no Departamentu Agrikultura sustentavel.
Ministru Longuinhos dos Santos konkorda maibé kontinua insiste ba ASTI atu labele haluha kondisaun inklui fasilidade laboratóriu no biblioteka tenke di’ak no kualidade atu nune’e bele garante kualidade estudante sira nian.
“Ha’u lakohi estudante sira atu sai vítima tanba interese seluk. Maibé, Kuandu sidadaun ida mak sente preokupa ho ema lubun ida ninia kualifikasaun, signifika iha vontade hakarak dudu setór edukasaun iha nasaun ne’e atu hetan kualidade. Tan ne’e tenke tau importánsia ba saida de’it mak institutu ne’e presiza,” friza ministru perante jornalista sira iha Aileu Vila, Munisípiu Aileu, sesta (09/08/2019).
Iha biban hanesan, Prezidente Konsellu Jestaun ASTI, Abel Mendonça informa katak institutu ne’e harii husi veteranu sira tanba hakarak kontribui ba dezenvolvimentu nasaun nian liuhusi edukasaun. Maibé mehi ne’e paradu iha 2016 tanba institutu ne’e rasik laiha jestaun ida di’ak atu garante kualidade ba estudante sira bainhira kompete iha merkadu traballu.
“Tanba ne’e mak iha mandatu Ministru Edukasaun, António da Conceição nian iha 2016 taka atividade institutu ne’e nian hodi husu atu prepara fali kondisaun ho didi’ak depois mak hahú loke fali maibé tinan tolu ona institutu ne’e laiha atividade no la simu estudante foun,” hateten Prezidente Konsellu Jestaun ASTI, Abel Mendonça.
Ministru Longuinhos dos Santos konkorda maibé kontinua insiste ba ASTI atu labele haluha kondisaun inklui fasilidade laboratóriu no biblioteka tenke di’ak no kualidade atu nune’e bele garante kualidade estudante sira nian.
“Ha’u lakohi estudante sira atu sai vítima tanba interese seluk. Maibé, Kuandu sidadaun ida mak sente preokupa ho ema lubun ida ninia kualifikasaun, signifika iha vontade hakarak dudu setór edukasaun iha nasaun ne’e atu hetan kualidade. Tan ne’e tenke tau importánsia ba saida de’it mak institutu ne’e presiza,” friza ministru perante jornalista sira iha Aileu Vila, Munisípiu Aileu, sesta (09/08/2019).
Iha biban hanesan, Prezidente Konsellu Jestaun ASTI, Abel Mendonça informa katak institutu ne’e harii husi veteranu sira tanba hakarak kontribui ba dezenvolvimentu nasaun nian liuhusi edukasaun. Maibé mehi ne’e paradu iha 2016 tanba institutu ne’e rasik laiha jestaun ida di’ak atu garante kualidade ba estudante sira bainhira kompete iha merkadu traballu.
“Tanba ne’e mak iha mandatu Ministru Edukasaun, António da Conceição nian iha 2016 taka atividade institutu ne’e nian hodi husu atu prepara fali kondisaun ho didi’ak depois mak hahú loke fali maibé tinan tolu ona institutu ne’e laiha atividade no la simu estudante foun,” hateten Prezidente Konsellu Jestaun ASTI, Abel Mendonça.
Tinan ne’e, iha Mandatu VIII Governu Konstitusionál ne’e Ministru Ensinu Superiór Siénsia no Kultura halo fali ninia fiskalizasaun ba institutu ne’e no konsege simu informasaun foun katak ASTI iha ona faze preparasaun no promete sei ativu fali iha 2020.
“Institutu ne’e prepara aan ona no sei ativu fali iha 2020 ho departamentu rua uluk ho grau baxarelatu mak hanesan departamentu enjeñaria informátika no departamentu agrikultura sustentável,” garante Prezidente Konsellu Jestaun ASTI.
Entretantu, antes ne’e atividade ensinu aprendizajen ASTI nian hahú ho fakuldade neen mak hanesan Fakuldade Agrikultura Sustentável, Informátika, Administrasaun Públika, Língua Inglés, Jestaun Emprezariál no Matemátika maibé laiha rekursu ida adekuadu atu alkansa alvu sira ne’e ikus mai VI Governu Konstitusionál foti desizaun hodi taka institutu ne’e.
