Komentar |
| Diretór Ezekutivu Klínika Bairru Pité, Daniel Murphy. Imajen Jogerjo Guterres |
Dili, Diretór Ezekutivu Klínika Bairru Pité, Daniel Murphy, hateten fulan lima ona funsionáriu hamutuk 100 la simu saláriu.
“Ami arraska durante tinan rua ona, klínika la’o presiza osan 50 mil dolar fulan-fulan, maibé osan ne’e ami laiha”, katak nia ba TATOLI iha ninia servisu fatin Bairru Pité, ohin.
Durante fulan tolu klínika ne’e hetan tulun hosi governu, maibé nia dehan apoiu ne’e la kontinua. “Ha’u buka dalan seluk hodi hasoru Prezidente Repúblika, Primeiru Ministru, maibé la hetan nafatin, entaun ami buka iha li’ur, ema Timór fó uitoan, maibé la to’o nafatin”.
Nia akresenta klínika Bairru Pité iha valór boot tebes, tanba fó atendimentu loron-loron ba populasaun kada loron 300 durante tinan 20 ona.
“Ema hotu hakarak mai konsulta iha klínika Bairru Pité tanba ami fó atendimentu di’ak, ami hadomi ema hotu, ema hotu mai ami simu, no moras saida de’it ami bele fó konsulta no sira mai dala ida de’it sira nia moras di’ak ona”, afirma Daniel.
“Ami arraska durante tinan rua ona, klínika la’o presiza osan 50 mil dolar fulan-fulan, maibé osan ne’e ami laiha”, katak nia ba TATOLI iha ninia servisu fatin Bairru Pité, ohin.
Durante fulan tolu klínika ne’e hetan tulun hosi governu, maibé nia dehan apoiu ne’e la kontinua. “Ha’u buka dalan seluk hodi hasoru Prezidente Repúblika, Primeiru Ministru, maibé la hetan nafatin, entaun ami buka iha li’ur, ema Timór fó uitoan, maibé la to’o nafatin”.
Nia akresenta klínika Bairru Pité iha valór boot tebes, tanba fó atendimentu loron-loron ba populasaun kada loron 300 durante tinan 20 ona.
“Ema hotu hakarak mai konsulta iha klínika Bairru Pité tanba ami fó atendimentu di’ak, ami hadomi ema hotu, ema hotu mai ami simu, no moras saida de’it ami bele fó konsulta no sira mai dala ida de’it sira nia moras di’ak ona”, afirma Daniel.
Funsionáriu hamutuk 100 maka seidauk simu saláriu, no osan ne’ebé atu simu, nia dehan hamutuk 30 mil dolar hamutuk ho ai-moruk no lojistiku. Situasaun ne’e seidauk rezolve maka fundadór ba klínika ne’e sei deside hodi taka ba públiku.
“Ha’u sente triste tebes bainhira osan laiha ona, ha’u tenke taka duni ona klínika”, afirma tan.
Mezmu klínika ne’e hasoru problema iha orsamentu maibé loron-loron komunidade kontinua halo tratamentu ba pasiente sira. Kada loron ida, simu pasiente 300, pasiente ne’ebé baixa 50.
